Takmyn hyzmatynyň Peýdalanyş şertleri (Ulanyjy ylalaşygy)

1. Umumy düzgünler we Operator barada maglumat

Şu Peýdalanyş şertleri (Ylalaşyk) Türkmenistanyň Raýat kodeksine (28.06.2025 ý. № 162-VII), «Maglumat we ony goramak hakynda» (03.05.2014 ý. № 72-V) hem-de «Türkmenistanda Internet torunyň ösüşini we internet-hyzmatlarynyň edilişini hukuk taýdan düzgünleşdirmek hakynda» (20.12.2014 ý. № 159-V) Türkmenistanyň Kanunlaryna laýyklykda Takmyn ulgamynyň ulanylmagyny düzgünleşdirýär.

Hyzmatyň Operatory (Eýesi): Hususy telekeçi Serdarov Jumageldi (Hususy telekeçi hökmünde belligine alnandygy barada Şahadatnama № 0080221, ýerleşýän ýeri: Türkmenistan, Aşgabat ş., resmi e-poçta: sj@sanly.tm — 24/7, goldaw telefony: +99371539060 — 12:00–18:00).

2. Kartografik status we ýol howpsuzlygy boýunça duýduryş

«Geodeziýa we kartografiýa işi hakynda» Türkmenistanyň Kanunynyň (07.07.2001 ý. № 75-II) 6, 7, 12 we 13-nji maddalaryna laýyklykda, Takmyn hyzmaty açyk çeşmeler (OpenStreetMap ODbL 1.0, Overture Maps CDLA-Permissive-2.0, Wikidata CC0 1.0) we ulanyjylaryň teklipleri esasynda işleýän elektron maglumat-gözleg we ugrukdyryş ulgamydyr. Takmyn Türkmenistanyň Döwlet kartografik-geodezik gaznasynyň materiallaryny ulanmaýar, resmi döwlet topografik, geodezik ýa-da kadastr kartasy bolup durmaýar we döwlet serhetlerini kesgitlemek, ýer gurluşygy ýa-da goranmak işleri üçin ulanylyp bilinmez.

Nawigator tarapyndan hödürlenýän awtomobil, pyýada we jemgyýetçilik ulaglarynyň ugurlary, tizlik çäklendirmeleri we dyknyşyklar baradaky maglumatlar diňe maslahat beriji häsiýete eýedir. Sürüji we pyýada Türkmenistanyň Ýol hereketiniň kadalaryny (ÝHK) we hakyky ýol belgilerini gyşarnyksyz berjaý etmäge borçludyr.

3. Takmyn ID we «Kartadaky dostlar»

Takmyn ID telefon belgisi (+993XXXXXXXX) ýa-da elektron poçta (@sanly.tm we beýlekiler) arkaly bir gezeklik kod (OTP) bilen ulgama girmäge mümkinçilik berýär. Ulanyjy birleşdirilen saýtlaryň sanawyny öz profilinde görüp we islendik wagtda ygtyýarlyklaryny ýatyryp biler (№ 519-V Kanunyň 20-nji maddasy).

«Kartadaky dostlar» funksiýasy diňe Ulanyjynyň öz islegi bilen we diňe onuň rugsat beren dostlary üçin işleýär (1 sagat, günüň ahyryna çenli, «Görünmeýän» ýa-da «Takmynan ~1 km» režimi). Bu funksiýany üçünji şahslary gizlin yzarlamak üçin ulanmak berk gadagandyr.

4. Synlar, suratlar, düzedişler we gadaganlyklar

№ 159-V Kanunyň 27, 29, 30-njy maddalaryna we № 72-V Kanunyň 6, 8-nji maddalaryna laýyklykda, Ulanyja aşakdakylar berk gadagan edilýär:

• töhmet (ýalan maglumat) we kemsidiji sözleri ýazmak (Türkmenistanyň AHBK-niň 337–338-nji maddalary);
• harby bölümleri, serhet desgalaryny, režimli we strategiki obýektleri kartada bellemek ýa-da suratyny ýüklemek (№ 72-V Kanunyň 6-njy we 8-nji maddalary);
• üçünji şahslaryň şahsy durmuşyna degişli maglumatlary (hususy öý salgylaryny, şahsy telefonlary, awtoulag belgilerini, adamlaryň ýüzüni) olaryň razylygy bolmazdan çap etmek (Türkmenistanyň AHBK-niň 342-nji maddasy);
• ekstremizmi, zorlugy, pornografiýany ýa-da bikanun harytlary wagyz etmek.

5. Maglumatnamadan şahsy maglumatlary aýyrmak (№ 519-V Kanunyň 6-njy maddasy)

«Şahsy durmuş barada maglumat we ony goramak hakynda» Türkmenistanyň Kanunynyň (№ 519-V) 6-njy maddasynyň 2-nji bölegine laýyklykda, açyk maglumatnamada görkezilen fiziki şahs ýa-da hususy telekeçi baradaky maglumatlar onuň sj@sanly.tm salgysyna ýa-da «Ýalňyşlyk barada habar ber» formasyna iberen talaby boýunça 1 iş gününiň dowamynda maglumatnamadan aýrylýar.

6. Guramalaryň eýeleri we mahabat talaplary (№ 374-V Kanun)

«Bu meniň guramam» (Business Claim) hyzmatyndan peýdalanýan we aksiýalary ýerleşdirýän şahslar «Mahabat hakynda» Türkmenistanyň Kanunynyň (№ 374-V) 5-nji maddasynyň 6-njy bölegine laýyklykda özleriniň döwlet bellige alyş şahadatnamasyny we degişli ygtyýarnamasyny tassyklamaga borçludyrlar.