Takmyn gizlinlik we şahsy maglumatlary goramak syýasaty

1. Operator we maglumatlaryň Türkmenistanyň çäginde saklanylyşy

Şahsy maglumatlaryň Operatory: Hususy telekeçi Serdarov Jumageldi (Şahadatnama № 0080221, Türkmenistan, Aşgabat ş., e-poçta: sj@sanly.tm — 24/7, tel.: +99371539060 — 12:00–18:00).

№ 519-V Kanunyň 12-nji maddasynyň 2-nji bölegine laýyklykda, Takmyn we Takmyn ID ulgamynyň ähli maglumatlar bazalary 100% Türkmenistanyň çäginde — «TürkmenTelekom» EAK (sanly.tm) milli serwer infrastrukturasynda ýerleşýär. Şahsy maglumatlar daşary ýurtlara geçirilmeýär.

2. Ýygnalýan maglumatlar we olary azaltmak ýörelgesi (12-nji madda)

Operator ulanyjylaryň pasport maglumatlaryny, biometrik maglumatlaryny ýa-da bank kartlarynyň maglumatlaryny ýygnamaýar. Diňe hyzmaty ýerine ýetirmek üçin zerur maglumatlar gaýtadan işlenilýär:

• Takmyn ID hasaby: telefon belgisi (+993XXXXXXXX), e-poçta salgysy, ulanyjynyň ady, saýlanan dil (tk/ru/en) we awatar;
• Geolokasiýa we dyknyşyklar (18-nji madda — Atsyzlandyrmak): dyknyşyklary hasaplamak üçin GPS nokatlary ulanyjynyň hasaby bilen baglanyşdyrylmaýar, enjamyň kody gündelik duz bilen heşlenýär (sha256(device_id + daily_salt)), çig nokatlar 2 sagatdan köp saklanmaýar;
• «Kartadaky dostlar» (20-nji madda): geolokasiýa diňe ulanyjynyň özi paýlaşmagy işjeňleşdirende we diňe onuň rugsat beren dostlaryna görkezilýär; yz (trail) 24 sagatdan soň awtomatik öçürilýär;
• Synlar we suratlar: ýüklenen suratlardan EXIF geolokasiýa we kamera bellikleri awtomatik arassalanýar;
• Howpsuzlyk ýazgylary: № 159-V Kanunyň 25-nji maddasyna laýyklykda 12 aýyň dowamynda Türkmenistanyň çäginde saklanýar.

3. Ulanyjynyň hukuklary we jogap beriş möhletleri (27-nji madda)

№ 519-V Kanunyň 27-nji maddasyna laýyklykda:

• 1 iş güni: ulanyjynyň sj@sanly.tm salgysyna iberen ýüz tutmasyna jogap bermek we jedelli maglumatlary wagtlaýyn petiklemek;
• 3 iş güni: nädogry maglumatlary düzetmek ýa-da razylyk yzyna alnanda şahsy maglumatlary doly ýok etmek;
• Özbaşdak pozmak: goşundyda «Profil → Hasaby poz» ýa-da web-sahypada /account/delete arkaly hasaby derrew pozmak mümkinçiligi bardyr.